GEBED VIR PELAGIESE VIS

Heer, hiermee vra ons U genade om die pelagiese vissermanne en die vissersvloot van die trotste vissersvloot ter wêreld te seën met 'n oorvloed pelagiese vis gedurende die 2020 seisoen. Waar hul ook hulself mag bevind langs ons kuslyn, vra ons groot asseblief dat U hul nette sal vul met Ansjovis, Sardyne, Rooi-oë en Sardinella. Amen.

      

                     DRA JOU MASKER!
      EK BESKERM JOU, EN JY BESKERM MY

 Al lyk my masker dalk meer soos 'n Tallie-bolneus...pas mooi by die skuit!
                 
 

BINNEKORT TE SIENE OP DIE          KANAAL VAN TRAWLKAMPIOENE                                                  "RENJA" GAAN SEE TOE!       Afgeneem hieronder op 4 Augustus 2020 staan die "Renja" gereed om die lang pad aan te durf see toe, vanwaar die skuit vervoer sal word op 5 Augustus 2020 vanaf Yzerfontein na Saldanhabaai. Al die aksie sal die Trawler Heritage crew binnekort kan sien van die eerste plaaslike vervaardigde staalvissersboot in Suid-Afrika, die afgelope 20 jaar, net hier op die Kanaal van Trawlkampioene.                                           Indien die Weskus se fibre internet onderbreek word, die telefoonlyne nie meer werk, of selfs 'n elektriese kragonderbreking ondervind word, wees maar verseker, iewerste sleep daar kabels agter 'n staalskuit aan in die Weskuspad...

                       "BORONIA" AND "BLUEBELL"
                       EARN THEIR STRIPES...

Spotted during the month of July at the Cape Docks on separate occasions, the I&J factory stern trawlers "Boronia" and "Bluebell" were each spotted with a newly decorated bridge and trawl gantry. Let's have a closer look at these sister vessels.

Pictured below is the "Bluebell" featuring an horizontal blue band across the lower part of the bridge.

               

Indicated below by the red circle, the bridge of the "Bluebell now features a "shortened" horizontal blue stripe.
                       
                    

Pictured below is the "Boronia" featuring an horizontal blue band across the lower part of the bridge.

                       

Indicated below by the red circle, the bridge of the "Boronia" which now features two "shortened" horizontal blue stripes above each other.

                    

Pictured below is the former decoration theme used on the trawl gantry of  "Bluebell" and "Boronia".

                              

Pictured below is the new decoration theme used on the trawl gantry of  "Bluebell" and "Boronia", with the horizontal red stripes being presented higher up, together with the company logo being presented lower down on the gantry.

                   
 

NUUSTE VIDEO OP DIE          KANAAL VAN TRAWLKAMPIOENE                                      DIE KREEFSKUITE KOM HUIS TOE                  KALKBAAI 25 JULIE 2020   Afgeneem hieronder op 25 Julie 2020 is 'n seleksie van kreefskuite wat terugkeer na Kalkbaai hawe vanaf die kreefgronde van Kaappunt en Hangklip, en terselfde tyd Kalkbaai se hawe op horings neem...

"BELLA PRIMA" GAAN AMPER                      VIR OULAAS BAR TOE... Die pelagiese vloot het oor 'n periode van 24 uur van die mees benoude oomblikke beleef waaraan 'n pelagiese visserman bloot gestel kan word. In die eerste voorval op Vrydagaand 24 Julie 2020 so duskant sonsak, het Kaappunt se klippe die "Vleigans" se net geheel en al verwoes. In kort, daar het net mooi niks behalwe vir 'n paar timble toue oorgebly nie, en dis alles behalwe wat mens nou nodig het gedurende hierdie fase van die seisoen. 'n Tweede voorval het Saterdagoggend 25 Julie 2020 kort na sonop plaasgevind gedurende 'n periode van digte mis buitekant Dasseneiland. Die "Bella Prima", met visruime gevul met Ansjovis was onderweg vanaf Kaappunt na die Agterbaai toe die skuit skielik begin water maak het in die enjinkamer, en kort voor lank kon die pompe nie voorbly nie, met die gevolg dat die GM masjien ook gaan staan het weens seewater wat die masjien oorstroom het, maar nie voordat die skipper suksesvol daarin kon slaag om die skuit se net te kon af gooi, in 'n laaste wanhopige poging om sy skuit se "free board" te verhoog nie. Twee houtskuite wat ook met vol vragte oppad terug Agterbaai toe was, het egter vir 'n wyle bygestaan , voordat 'n leë staalskuit wat op daai stadium oppad Houtbaai toe was, op die toneel verskyn het, en deur middel van 'n koptou kon verhoed het dat die "Bella Prima" in haar net dryf terwyl die bemanning gespook het om die lekkasie te probeer stop het. Alhoewel hierdie insident in digte mis, buite die sig van land, agter Dasseneiland afgespeel het, was 'n passievolle buitestaander (wat die pelagiese vloot se bewegings dag en nag monitor), toevallig in die Yzerfontein omgewing, en soos altyd toegerus gewees met 'n VHF radio en AIS vanwaar die buitestaander die hele situasie kon hoor en sien ontvou. Die gedrag van sommige van die pelagiese skippers (na aanleiding van hul radio gesprekke asook die intrepetasie van die skuite se bewegings op AIS) was kommerwekkend. Kyk mense, dis verstane dat 'n volgelaaide houtskuit geen, maar soos in geen kans staan om 'n ander volgelaaide houtskuit van Dasseneiland na die Agterbaai te kan sleep, sonder dat die skuit wat sleep, se masjien gaan oorverhit nie. In so 'n geval gaan net 'n staalskuit die taak suksesvol kan uitvoer. Die hele ironie was dat daar op daardie stadium wel 'n staalskuit in die omgewing was, maar net doodeenvoudig aangehou het Agterbaai toe sonder om hulp aan te bied. Die holpelose radiogesprekke van die skippers was net so skokkend, en nou praat ons van ervare skippers met jare en jare se ondervinding - dit was asof hulle alreeds vir "Bella Prima" verdoem het terwyl daar nog hoop was! Hierby bevraagteken ek ook die vermoë van tientalle pelagiese skippers om pro-aktief te kan optree in 'n noodsituasie. Daar was nie minder nie as 22 pelagiese skuite verspreid oor die area suid van Dasseneiland tot by Jacobsbaai, wat sou sekerlik radio ontvangs gehad het, en kennis gedra het van "Bella Prima" se benarde situasie. Of so sou mens reken?                      En hier volg die mees bisarre oomblik van hierdie hele insident: Geen noodsein is uitgestuur deur enige van die pelagiese skippers nie! Nee, dit het die inisiatief van 'n buitestaander gekos wat op die wal by Yzerfontein gestaan het, wat oor die nodige kennis en begrip beskik, en in sy geestesoog kon insien wat op daardie spesifieke oomblik aanboord van die "Bella Prima" afgespeel het, en dat die skuit sou sink indien daar nie onmiddelik opgetree gaan word nie. Gevolglik self die N.S.R.I. geskakel het, hulle verwittig het van die situasie, die korrekte posisie kon deurgee, asook hul opdrag gegee het dat hulle waterpompe moet saam neem. Wil julle vir my sê dat GEENEEN van daardie pelagiese skippers met al hul ervaring, net 'n bietjie verder kon dink oor wat meer gedoen kon word om die "Bella Prima" te kon red nie?  Flinke optrede van die N.S.R.I het gevolg, die "Bella Prima" is te hulp gesnel, en indien dit nie vir ('n ordentlike) pomp was wat hul saam geneem het nie, was die "Bella Prima" nou geskiedenis, om nie eens te praat van 10 crewmanne wat sou sit sonder inkomste nie, besmeerde pikkewyne, en nog meer verskerpte reëls en regulasies van SAMSA ensovoorts, ensovoorts. Die "Bella Prima" se bemanning kon wonder bo wonder weer die skuit se masjien aan die gang kry, en die skuit het op eie stoom die Agterbaai bereik. So gepraat van SAMSA...en dit wek nou nog meer kommer. Kom ons neem hierdie hele insident in perspektief. Waarom het niemand alarm gemaak gegewe hierdie insident nie? Die antwoord is eenvoudig: Ons vissermanne voel geviktimiseerd deur SAMSA ondersoekbeamptes rakende hierdie tipe voorvalle, dat hulle dit eerder verkies om letterlik onder te gaan, geen noodseine uit te stuur nie, en om ten alle koste van eksterne hulp soos byvoorbeeld die N.S.R.I. gebruik te maak nie... want, hulle weet hulle gaan op die uiteinde van die dag deur SAMSA ondersoek word! Die tyd het aangebreek dat SAMSA homself ondersoek, asook sy houding teenoor die vissermanne. In die Bybel staan daar immers geskrywe, "jy sien die splinter in jou broer se oog raak, terwyl daar 'n balk in jou eie oog is". Tot 'n volgende keer, wees lief vir mekaar, wees lief vir die skuite, maak seker julle pompe werk reg, bly bo, en mag die "strikdassies" julle oorweldig. Over! Hieronder volg 'n seleksie van fotos wat geneem was tydens die "Bella Prima" reddingsoperasie. Hiermee wil Trawler Heritage vir Yzerfontein N.S.R.I. bedank vir hul uiters profesionele optrede. Was dit nie vir julle nie, sou die trotste vissersvloot ter wêreld vandag 'n skuit armer gewees het.                                  N.S.R.I STASIE 34, MANNE WAT WEET WAT HULLE DOEN!                   Afgeneem hieronder lê "Noordeveld" kop-aan met "Bella Prima" om te verhoed dat sy in haar net drywe.                                                               "BELLA PRIMA" VEG OM OORLEWING!                                     Afgeneem hieronder dryf "Bella Prima" se net in die water nadat die skipper suksesvol daarin kon slaag om van die swaar net ontslae te kon raak.                   Afgeneem hieronder neem die N.S.R.I. die leisels oor aangaande die reddingsoperasie.                   Afgeneem hieronder en die water spuit oorboord vanuit die agterste fairlead....                   So moet 'n pomp mos lyk! Afgeneem hieronder is die pomp wat die N.S.R.I. saam met hulle geneem het. Was dit nie vir hierdie kragtige pomp nie, was "Bella Prima" nie meer met ons nie.                                    Mens noem dit nie verniet 'n "emergency hatch" nie! Die opening onder die messroom se tafel waardeur die pomp se suigpyp met die enjinkamer verbind kon word.                                                  BAIE WATER EN PROBLEME...                                        TORCH IN DIE HAND, OPSOEK NA SPARES...                                                        SKUITPOMP REPARASIES...                           Afgeneem hieronder word die stacker in posisie gebring ten einde die net te herwin.                                                                   HOLD VOL CHOVY!                           Afgeneem hieronder is die net weer bykans aanboord, dis amper tyd om huis toe te kan gaan!

               'n OSEAAN VOL "VITAMIENE SEE"!
                   
Afgeneem hieronder buitekant Schoenmakerskop dryf die hele see vol lemoene wat deel gevorm het van nege vraghouers wat oorboord gespoel het vanaf 'n houerskip gedurende die groot storm van 13 en 14 Julie 2020. Hierdie lemoene wat vir die uitvoermark bestem was, was 'n bonanza vir die Ooskus tjokkavangers wat dit sommer met plastiek kratte uit die see geskep het. Vergeet van tjokka vang, môre laai ons lemoene af!


                 

                 

          ONS ONTHOU DIE "PALLIHJA MARIANNU"
                   TRAGEDIE - 21 JAAR GELEDE
                   
Afgeneem hieronder in die Alfred Basin in die Kaapse Dokke staan 'n gedenkteken ter nagedagtenis aan 29 vissermanne wat hul lewens verloor het aanboord van die Suid-Afrikaanse sleeptreiler "Pallihja Mariannu", wat op 24 Julie 1999 sowat 170km suid van Plettenbergbaai vergaan het.

                      

       DIS DIE EINDE VAN 'n GANSBAAI ERA...
           ONS GROET VIR "RIVIERGANS"
                   
Afgeneem hieronder op 22 Julie 2020 in die Kaapse Dokke word die "Riviergans" gesloop - die laaste oorblywende eerste generasie pelagiese skuit wat destyds deel gevorm het van die pelagiese vloot op Gansbaai. 

                    

Vir Trawler Heritage wat groot geword het saam met die "Ganse" van Gansbaai en elkeen van die skuite persoonlik ken van bakboord na stuurboord, van boontoe af ondertoe, word 'n mens deel van 'n subtiele, ongeskrewe eed, wat bepaal dat jy sal veg, baklei en indien nodig, sal moor vir hierdie uitgelese groepie skuite se behoud. En so was dit dan ook die geval op 22 Julie toe Trawler Heritage onverwags op die toneel afkom, en man-alleen die afgebreekte whaledeck moes omkeer in my soeke na die skuit se naambord. Dit was egter nie lank voordat die skuitbrekers besef het met wie hulle nou hier op die kaai te make mee gekry het nie, en gevolglik het die koevoete te voorskyn gekom en kon die naambord gered word.

Afgeneem hieronder is die "Riviergans" se naambord wat gered kon word, en sal voortaan pryk in die Visserye Museum op Laaiplek saam met die replikas van sewe eerste generasie "Ganse". Daar is egter diegene wat nog steeds die feit bevraagteken waarom daar slegs sewe replikas instede van nege replikas gebou was tot dusver. Die antwoord daarop is baie eenvoudig - "Riviergans" en "Stormgans" kom nie uit suiwer bloedlyne nie. Maar, wie weet, dalk, moontlik, net miskien, word hul replikas ook iewers in die toekoms bygevoeg.

            

Afgeneem hieronder staan die kaal dek van "Riviergans" waaroor baie van ons oupa's, pa's en ooms se voetspore geloop het, soos hulle oorgeklouter het na talle van die ander "Ganse", terug in tyd toe "Riviergans" nog vanuit Gansbaai gewerk het. En so groet ons nog 'n legendariese skuit, dis die einde van die eerste generasie "Ganse", 'n era wat vir 58 jaar saam met ons was. Daar is tans nog drie van Gansbaai se tweede generasie "Ganse" wat lewe, die vierde en vyfde generasie "Ganse", sommer nog baie. 

                    
    Trawler Heritage stap weg van die toneel, stop, kyk vir oulaas om, gee 'n
                         diep sug, en al wat ek kan sê is "Go Molie!"

DIE SKUIT-TOILET UPDATE                     Reg mense, dis tyd om weer nader te skuif vir die jongste skuit-toilet update. In hierdie uitgawe gaan Trawler Heritage weereens vir julle bewys dat die skuit-toilet by verre die sterkste voorwerp op 'n skuit is... Afgeneem hieronder op 22 Julie 2020 in die Kaapse Dokke lê die sypanele wat deel gevorm het van die "Riviergans" se wielhuis...geheel en al verwoes, reg? Of so mag julle dalk dink?                         Afgeneem hieronder op 22 Julie 2020 is dit feitlik net die kaal, vrot coaming wat nog staande gebly het...alhoewel ervare Trawler Heritage bemanningslede alreeds kan sien waarheen hierdie storie gaan...                 Daarsy! Daar staan die toiletbak nog, ongeskonde op sy plek bo-op die coaming! En mense dit bewys net weereens dat 'n skuit-toilet by verre die sterkste voorwerp op 'n skuit is!

 

NUUSTE VIDEOS OP DIE          KANAAL VAN TRAWLKAMPIOENE                                      DIE KREEFSKUITE KOM HUIS TOE                  KALKBAAI 1 JULIE 2020   Afgeneem hieronder op 1 Julie 2020 is 'n seleksie van kreefskuite wat terugkeer na Kalkbaai hawe vanaf die kreefgronde van Kaappunt en Hangklip.                                                                          DIE KREEFSKUITE KOM HUIS TOE                       KALKBAAI 23 JUNIE 2020                     Afgeneem hieronder op 23 Junie 2020 is 'n seleksie van kreefskuite wat terugkeer na Kalkbaai hawe vanaf die kreefgronde van Kaappunt en Hangklip.

ONS SKUITE VERJAAR! Gedurende die maand van Julie is daar veertien skuit-verjaarsdae om te vier, waarvan heelparty van hulle gereeld op Trawler Heritage te siene is. Twee pelagiese skuite van weleer wat ook gedurende Julie-maand verjaar het was die "St.Padarn" en "Nemo". (Die skuite se onderskeie ouderdomme word hieronder aangetoon in hakies.)                                              Rietgans II (5)                                                               Ferox (5)                                                                                                                                              Sechaba (6)                                                                            Vuna Imbongi (12)                                                                                                                                                   Bonga (13)                                                                         Antoinette (16)                                                                                             Jenny (16)                                                             Nordervon (22)                                                         Isabella Marine (29)                                                               Realeka (31)                                                        Harvest Nandi (33)                                                      Harvest Veronica (34)                                                                   Lepanto (59)

                     DIE TOONBEELD VAN 'n
                NOORWEEGSE AAS-SKUIT!
       
Afgeneem hierbo is die Noorweegse pelagiese skuit genaamd "Scombrus". Gemeet
in Suid-Afrikaanse terme is hierdie skuitjie slegs 49 voet lank, oftewel 1 voet korter as die plaaslike aas-skuit "Gondo". Op die oog af lyk dit asof hierdie skuitjie nie veel meer as twee vissies in die "hole" en vyf brode in die "galley locker" sal kan dra nie, maar dis juis net daar waar almal die fout maak. Gebou vanuit staal, spog die skuitjie met onder andere 'n bolneus, thrusters voor en agter (nogal) en daarby saam 'n geheime wapen, naamlik 'n miniatuur 3-roller triplex (wat ongelukkig nie gesien kan word op die foto hierbo nie). En alhoewel die mees gedugte pelagiese skippers hulle neuse optrek vir hierdie dinky toy, sal Trawler Heritage voor in die ry staan om met so 'n skuit te kan werk. Gee my net 'n crew wat bestaan uit 8 avontuurlustige laaities, en saam sal ons gaan oorlog maak op die see, en ek belowe julle dat meer kere as nie, sal net die wielhuisie nog bly uitsteek. En dit laat Trawler Heritage nou met die vraag: Indien Trawler Heritage suksesvol daarin sou slaag om 'n identiese skuit te kan bou met my eie twee hande, en ek bedoel letterlik "self bou", en daarby saam self die net ontwerp, en dit mas vir mas self aanmekaar werk, sou daar 'n plaaslike vismaatskappy bereid wees om my en die skuitjie in hul vloot te inkorporeer? Daar is immers nog jongmense daarbuite wat eerlik, passievol en hardwerkend is en wat glo dat deur geloof alles moontlik is. Ek vra maar net?
     

GOEIE MôRE SUID-AFRIKA!            EN IN DIE HOOFNUUS VANOGGEND...             ONS VANG VIS, SOMMER BAIE VIS!          "MIZPAH" & "ADENIA" - 7 APRIL 2020                 "ELANDSBERG"  GAAN SLIP TOE                                  24 APRIL 2020                   "BERGGANS" & "WAFRA" - 19 APRIL 2020                               "MIZPAH" - 26 APRIL 2020                                "ADENIA" GEE BO-LYNE WEG                                    28 APRIL 2020                       "WILDEGANS II" GEE BO-LYNE WEG                                       19 APRIL 2020                               DIE TROTSTE PELAGIESE                       VLOOT TER WêRELD!     Die video hieronder word opgedra aan elkeen wat deel vorm van die trotste pelagiese vloot ter wêreld. In hierdie video word die room van ons pelagiese visbedryf uitgebeeld en kon daar nie plek gevind word vir leë skuite of waterskuiwe nie.

          

DIE TRAWLKAMPIOENE SJOR IN                               DIE ROOI-OOG                     Afgeneem hieronder op 4 Februarie 2020 klim ons trawlkampioene behoorlik in onder die Rooi-oë in die Kaappunt omgewing. Afgeneem hieronder spog "Sechaba", "Mizpah" en "Wildegans II" met hul vangste. En so tussen die blydskap en glimlagte moet ons allermins nie vergeet om dankie te sê nie!                                                 "SECHABA"                                                                                    "MIZPAH"                                                                            "WILDEGANS II"                                "WILDEGANS II" SJOR IN DIE ROOI-OOG                     Afgeneem hieronder op 4 Februarie 2020 in die Kaappunt omgewing word die Rooi-oë met grawe weg gewerk in die visruime van die "Wildegans II" ten einde die vangs te maksimeer.

 

DIE 2020 PELAGIESE SEISOEN IS HIER!                            Afgeneem hieronder op 26 Januarie 2020 doen "Wildegans II" haar naam gestand en verlaat Gansbaai hawe in ongure seetoestande tydens haar eerste vaart vir die 2020 pelagiese seisoen om Rooi-oë te gaan vang in die Kaappunt omgewing.         Mooi kyk u, die korrupte staatsamptenaar. In hierdie omstandighede is hoe ordinêre vissermanne 'n bestaan moet maak ten einde 'n inkomste te kan verdien, 'n inkomste waarop hul weer belasting moet betaal. Dis die einste geld wat deur u, die korrupte staatsamptenaar verkwis word om u verder te verlustig aan rykdom en luukshede. In hierdie omgewing bestaan daar nie iets soos 'n minimum loon nie, nog minder iets soos oortydbetaling, o'nee hier op die see word gewerk, dag en nag, want geen vis in die skuit, beteken geen inkomste nie, maak nie saak hoeveel moeite 'n visserman doen om die elemente van die see aan te durf nie, as die see nie sy hand oopmaak nie, kry niemand niks nie! So, sou u, die korrupte staatsamptenaar kon oorleef in hierdie werksomstandighede? Dis te betwyfel, of u staande sou kon bly op 'n nat dek wat konstant onder u beweeg, die seesiek sal u oorweldig, u braaksel sal loop oor die skuit se dek, want u sal nie in staat wees om 'n enkele treetjie vorentoe of agtertoe te gee nie. Om hulp kan u smeek, dalk bid? Vir wie gaan u, die korrupte staatsamptenaar aanbid in die uur van nood? Dalk vir 'n afgod, want op hierdie skuit word die gebede van die ongelowige nie verhoor deur my God nie, hierdie skuit is immers aan God opgedra nog voordat sy gebou was. Wees dus gewaarsku u, die korrupte staatsamptenaar, my God weet alles van jou slegte dade!

       MOENIE ONS HAWENS BEMORS NIE!

Terwyl Trawler Heritage en ander 'n voordurende stryd voer teen lakse regeringsdepartemente rakende basiese dienslewering vir kommersiële visvangaktiweite in ons geproklameerde vissershawens, vererger die gedrag van besoekers aan ons hawens die algehele situasie net verder. Afgeneem hieronder op 5 Januarie 2020 het Trawler Heritage op hierdie gru-toneel afgekom in die Gansbaai ouhawe gebied, waar kitskospakkies, bierbottels, plastiekafval en koeldrankhouertjies genuttig is en dood eenvoudig net daar agter gelaat is langs die hawepad. Nou kyk mense, hierdie is die werk van die ander 101.9% van ons populasie wat geen idee het van die see nie. Daar is niemand, maar soos in niemand wat hierdie gemors gaan kom optel nie. Die boodskap is eenvoudig, as die publiek hulself nie soos ordelike landsburgers kan gedra nie, bly net eenvoudig dan weg uit ons vissershawens, want hier gaan julle moeilikheid optel, wees gewaarsku!

                    

         EK IS JAMMER "ATLANTIC OCEAN",
                 EK HET ALLES PROBEER

Dit maak nie saak waar in die wêreld mens 'n museum besoek nie, by 'n trekker museum sal mens regte trekkers aantref, by 'n automobiel museum sal mens regte motors aantref, by 'n lugvaart museum sal mens regte vliegtuie aantref, maar by die S.A. Visserye Museum sal mens geen regte skuite aantref nie. Daar is wel baie skaalmodelle en fotos van skuite teen die mure te siene, maar geen regte skuite nie.

Op 5 Mei 2019 het Trawler Heritage die foto hieronder geplaas van die gewese kreefskuit "Atlantic Ocean" wat op die daardie stadium verlate gestaan het by Yachtport in Saldanhabaai. Bygesê, het Trawler Heritage namens die skuit voorspraak gemaak dat wanneer die dag en uur sou aanbreek dat die eienaar sou besluit om die skuit te sloop, Trawler Heritage onmiddelik gekontak moet word ten einde vir die skuit 'n beter toekoms te kon verseker...En mense, teen einde November-maand 2019 toe breek die dag en uur aan dat die eienaar opdrag kry dat die skuit van die perseel verwyder moes word, en net soos Trawler Heritage versoek het, word Trawler Heritage ingelig van die jongste verwikkelinge. Reëlings word inderhaas in plek gesit om te verseker dat "Atlantic Ocean" nie verlore sou gaan nie, wat insluit 'n abnormale vragmotor, huiskrane en alles wat nog moontlik nodig sou wees om...dis reg, wag hiervoor....om die "Atlantic Ocean" padlangs te vervoer na die Visserye Museum op Laaiplek, vanwaar die skuit dan 'n permanente buitelug uitstalling sou word. Maar, onverwags kry Trawler Heritage toe opdrag vanuit ons eie geledere (visbedryf) vanaf 'n persoon met "gesag" dat die "Atlantic Ocean" nie Laaiplek toe mag kom nie. Ek is is stomgeslaan! Hoe is dit moontlik dat wanneer 'n persoon oorloop van passie en toewyding vir die Suid-Afrikaanse visbedryf dat hy geweier word om te mag voortgaan met die uitvoering van so 'n unieke projek? Hierby moet ek byvoeg dat ek nie vooraf met 'n "bedelboekie" van deur tot deur gegaan het om geld in te samel om die "Atlantic Ocean" te red nie...o'nee, dit kom vanuit my binneste, dis wie ek is, dis waarvan ek gemaak is wat my in die eerste plek aangespoor het om die skuit te moes red. 

                    

Afgeneem hieronder op 15 Januarie 2020 is die gru-toneel van die laaste oorblyfsels van die "Atlantic Ocean" nadat die 80-jarige skuit noodgedwonge op die perseel gesloop moes word, 'n eertydse seilskuit wat deur Fritz Nieswandt homself gebou was. Vir die eienaar van die "Atlantic Ocean" was dit so emosionele saak dat hyself later nie met die opsny van die skuit voort kon gaan nie, hy moes 'n sub-kontrakteur aanstel om die sloopwerk te voltooi, hy kon dit nie oor sy hart kry om die skuit so te sien lê nie.

                         

Mense probeer my gerus stel en sê "daar sal weer 'n geleetheid kom in die toekoms", maar hulle praat uit onkunde, want sien, daar bestaan geen houtskuite meer van hierdie kaliber nie, dis 'n vergete era, dis klaar, dis verby, vir altyd!

                         

"Atlantic Ocean", mag dit my eendag toevertrou word om 'n hemelse woud te mag afkap om sodoende hout te versamel om talle weggooi skuite net soos jy weer te laat herleef, en ek sal jou seil (al haat ek seiljagte) en ek sal jou doop "Veloma", net vir wie jy is, en was, en die onreg wat my aangedoen was om jou te kon red hier op aarde.